Achieltje's weblog

Schakende, psychiatrisch verpleegkunde studerende, aan fietsen werkende halve gare die iets heeft met de mythische afstand marathon, schildpadden, tekenen, en vele dromen

25 februari 2009

Tetietatzoverris

Nu daze zehn da 't Westvlams "e bedreihde taalsoorte" is, meug ekik, als Westvlaming in erte en nieren, da nie azo mo loatn gebeuren... Vandoar, vandage gin "beschaafd Vlams", mo geweun, Westvlams... Voe den een en den andern nie teegn z'n skenen te skippen, zitn der e bitje klanken in van overal, want ja, nen tsjoolder gelik dak zien, khoren ik e bitje vanalles... Kgoan der ook de top tiene van Radijo twéé in foefeln. Schone geamballeerd in e vertelliengsje.

Ké mien passeden weke ingeschreven voe die lange loopkoersen in Luxemburh en een aan den anderen kant van uus eigen land, in Visé, wit wel, langs die grote voart da ze do lign èn. Alhoewel, te nis gin voart, nu dak et bepeinse, mo 't is nu nog eki geliek, ossje derin springt, ist zeste nat zien of in e voart... 't zien eigenlijk mo de truntekoesn die dervan zoen zagen ot da nu e voart is, ja of nint.

Van bachten de competoeter zien de betoalingen in orde gekomn, dus z'én under geld, en ik kriegn tons m'n numero ak do toekomme. 't Woare thopen da we met die numero goed aan de mete geraken en dak me onder boane goed gejeund goan èn.

Mo gow, nu da we helegans inheschreevn zien, is 't er gin boane mi were. Kgoan zelfs mjeer zeggen, in de weke voo Luxemburh, zien we up congée payé, up e smete van do, in de dardennen... Gin gezever ot gepasserd is va slichte benen en ol, tied henoeh voe te rustn, of voe andersche "alternatieve" trainiengn te doen, gelik da 't vrouwtje noh e wrikkelgat is, ze hoat nie meugen met eur buuketetje bloot loopn, of de ruste is gepassird...

En ondertuschn zienk an de fiesiek aan 't werkn, ké ol e poar keer hoed heloopn, kmoeste ginne sjetten boai nie mi andoen, want 't is a goe were eigentlik feitelik voe achter stroate te tsjolen. Ké ook ol met de velo hereedn, en kweetnie oe hard up e pluume goan klopn en al. Nie voe te stoefn, mo gow, kzien hoed erbegost, kmoetn nu nog vuloedn vaneigenst, mo da komt wel in orde. Kvoeln mien al e stik meer in forme, dus da goat in de sacoche komn.

Neh, tefeite goak ier nog e rondleidinge geven a m'n leroare van d'avondschole, en derachter goak verzekerst nog e ki m'n loopsluffers uit de kasse hoaln, en e ferme trot luopn. Kmoetn vanaht noh goan werkn ook, in Bèèrnem, wit wel, 't zottekot da ze zehn, mo de klopt eigentlik nie, 't is "pieshiatriche klinieke" of etwukn zuks da ze zehn, 't is nog eki geliek, 't zien ol roare wietewoais die do luopn... En we meugn ze noh stoffoasje geevn da we wiln, 't bluuvn der do toch tefrente wo da we mo kun van zehn: 't is ne swoateloare...


Vwala, tetietatzoverris da we were kun goan lopekoerse doen.

't amusement nog e manjes

Achieltje

Labels: , , ,

04 februari 2009

Kiezen is verliezen... Of niet?

Voor iets kiezen impliceert dat je iets anders niet hebt gekozen, zo gaat dat nu eenmaal. Je kiest voor A of B, maar niet voor alletwee. Tenzij... Je een beetje onnozel wil doen en eigenlijk niet graag verliest... Dat eerdere ervaringen aangetoond hebben dat welke keuze je maakt, het eigenlijk net niet spannend genoeg zou zijn...

Waar heeft die onnozelaar het over? Tiens: ik wist tot voor een paar dagen nog niet goed, wordt het de Maasmarathon, of Luxemburg 2 weken later? Maasmarathon met z'n prachtig decor, aangename herinnering (remember de Leffeboys...), plaats om te lopen, behoorlijke organisatie... Of toch maar Luxemburg, net iets mooier, net iets unieker, net iets beter georganiseerd, ook wel net iets lastiger natuurlijk... Nog een pijnlijke herinnering door Koen er net niet onder de 4u te zien duiken...

En dus is er een kogel door de kerk moeten vliegen (daarbij rakelings voorbij Paus Ratzinger gevlogen die nog onder vuur lag door z'n stomme stoot laatsleden...) en een keuze moest worden gemaakt.... Tromgeroffel alom... En het wooooooooooooooooordt: Excuseer, het wooooooooooorden... de beide :-) En er nog meteen een doel van maken, minimum 1x (ruim) onder de 3u30, daar ben ik al tevreden mee. 2x onder die tijd zou nog beter zijn, 1x 3u15 magnifiek... Het hangt wat van de voorbereiding af, en het gevoel...

Ondertussen al eerste achterstand, een weekje keelpijn en bijhorend hoesten en ziek zijn later werd nog maar amper gelopen, we herpakken deze week, tijd zat om er in mei te staan...

Hehroet en tot in Visé... en Luxemburg...

Achieltje

Labels: , , ,